ناوه‌ڕۆك
بۆریس شێربینا
بۆریس یێڤدۆكیمۆڤیچ شێربینا (Boris Yevdokimovich Shcherbina) سیاسەتمەدارێكی یەكێتی سۆڤیەت بوو، لە بەرواری 5/10/1919 لە خێزانێكی ئۆكرانی كرێكاری ڕێگای شەمەندەفەر لە دێرباڵتسێڤی یەكێتی سۆڤیەت لەدایكبووە، و لە ساڵی 1939ـوە پەیوەندی كردووە بە ڕیزەكانی حیزبی كۆمۆنیستی یەكێتی سۆڤیەتەوە و بە خۆبەخشی لە جەنگی زستانی فینلەندا بەشداری كرد، و لە ساڵی 1976 بووە ئەندامی كۆمیتەی مەركەزی حیزبی شیوعی.
لە ساڵی 1973 بۆ 1984 وەزیری بەرهەمهێنانی نەوت و گاز و لە ساڵی 1984 بۆ 1989 جێگری سەرۆكی ڕاوێژكاری وەزیرانی یەكێتی سۆڤیەت بووە.
لە سەردەمی دەسەڵاتی ئەودا دوو ڕووداوی گرنگ و كارەساتبار ڕوویاندا كە تەقینەوەی چێرنۆبڵ و بومەلەرزەی ئەرمەنستان بوون لە ساڵانی 1986 و 1988 دا.
لە ڕووداوی چێرنۆبڵ هاوشان لەگەڵ ڤالێری لیگاسۆڤ توانی ڕۆڵێكی بەرچاو بگێڕێت لە یارمەتیدانی زاناكان و بەردەستخستنی كەرەستەكان بۆیان بۆ ئەوەی بە زووترین كات ڕێگری لە بڵاوبوونەوەی تیشكدانەكە بكات، دواتریش بەهۆی زۆری بەركەوتنی لەو ڕووداوەدا تووشی شێرپەنجە بوو و لە حەفتا ساڵی لە 22/8/1990 گیانی لەدەستدا.
خەڵاتەكانی
- نیشانەی لینین
- قارەمانی كاری شیوعی
- نیشانەی ئاڵای سووری كار
- نیشانەی شۆڕشی ئۆكتۆبەر
