ناوه‌ڕۆك
سەرەتا
پەڵپینە یەکێکە لە خواردنەکان کوردەوارییەکان و سوودێکی زۆر بە جەستە دەگەیەنێت، ڕێگری لە گەشەی خانە شێرپەنجەییەکان دەکات و چەورییە زیانبەخشەکان لەجەستە دەکاتە دەرەوە، لە ماڵەوە بەم ھەنگاوانە ئامادەی بکە.
پێداویستییەکانی
- نیو کیلۆ پەڵپینە
- کوپێک نیسکی ھاڕاو
- نیو کوپ برنج بەپێی ئارەزوو
- یەک کەوچکی چێشت ڕۆن
- خوێ بەپێی پێویست
- ئاوی گۆشت یان ماجی
- دوو کەوچکی چێشت دۆشاوی تەماتە
- یەک سەلک پیازی جنراو
- ئاوی لیمۆ یان لیمۆ بەسرایی
- دوو کوپ ئاوی تەماتەی تازە
- بیبەری تونی ھاڕڕاو
ئامادەکردنەکەی
سەرەتا پەڵپینەکە ورد دەکرێت و دواتر دەشۆرێتەوە و لە سوزگییەکدا دادەنرێت تاکوو ئاوی پێوە نەمێنێت. لە مەنجەڵێکدا پیازەکەی لەناو ڕۆندا بۆ سوور دەکرێتەوە، دۆشاو و ئاوی تەماتە و ماجی و نیسکی بۆ زیاد دەکرێت تاکوو بەتەواوی دەکوڵێن وازی لێدەھێنرێت. ئەگەر حەزتکرد برنجی تێبکە دواتر پەڵپینەکەی تێدەکرێت لەگەڵ ئاوی لیمۆ و خوێ و بیبەرە تونەکە، لەسەر ئاگر دادەنرێت تاکوو بەجوانی پێکەوە دەکوڵێن و کەمێک خەست دەبێتەوە. لەسەر ئاگر دادەگیرێت بە جیا لەگەڵ نان یان لەگەڵ پڵاو پێشکەش دەکرێت.
سەرچاوەکان
289 بینین
