ناوه‌ڕۆك
سەرەتا
کێکی ترالیچە یان کێکی تەڕ (بە ئینگلیزی: Traliche cake) جیاوازترە لە جۆرەکانی تری کێک، چونکە ئەم جۆرەیان نەرمییەکی تێدایە، دەتوانرێت بۆ میوان و بۆنەکان و عەسرە چا ئامادە بکرێت.
کەرەستەکانی
- چوار هێلکە
- کەوچکێکی چا خوێ
- کوپێک شەکری وردە
- دوو کیس پیکن پاودەر
- کوپ و نیوێک ئارد
- نیو کوپ نیشاستە
- کیسێک ڤانێلا
- نیو پیاڵە شیر
- نیو پیاڵە ئاو
کەرەستەی سۆسەکەی
ئامادەکردنی کێکەکە
سەرەتا سپێنەی هێلکەکان لە زەردێنەکەی جیادەکرێتەوە، سپێنەکەی لەگەڵ خوێ و نیو کوپ شەکر تێکەڵ دەکرێت بەجۆرێک وەک کرێمێکی خەستی لێدەربچێت، پیکن پاودەرەکەی تێکەڵدەکرێت و دووبارە تێکدەدرێتەوە.
لە دەفرێکی تردا زەردێنەی هێلکە و ڤانێلا و نیوەکەی تری شەکرەکە و نیو پیاڵە ئاوی تێدەکرێت و تێکەڵدەکرێت، دواتر بە بەکارهێنانی هێڵەک وردە وردە ئارد و نیشاستەکەی بۆ زیاد دەکرێت و تێکدەدرێتەوە، ئەگەر هەویرەکە توند بوو نیو پیاڵە شیری گیراوەی بۆ زیاد دەکرێت.
گیراوەی سپێنەی هێلکەکە تێکەڵ بە هەویرە شلەکە دەکرێت و تێکدەدرێت، دەخرێتە ناو قاڵبی کێکەوە و لەناو فڕن دەکرێت.
ئامادەکردنی سۆسەکەی
کوپێک شەکر لەناو تاوەیەکدا دەخرێتە سەر ئاگر تاکوو رەنگەکەی مەیلەو قاوەیی دەبێت، دواتر نیو پیاڵە ئاو و خامەکەی بۆ زیاد دەکرێت و جوان تێکدەدرێت تاکوو خەست دەبێتەوە، لەسەر ئاگر دادەگیرێت بۆ ئەوەی سارد بێتەوە.
کیسە کرێم شانتییەکە کوپێک ئاوی ساردی بۆ زیاد دەکرێت و بە میکسەر تێکدەدرێت، پاشان کێکەکە بە چیلکەی ددان چەند کونێکی تێدەکرێت و بە کەوچکی چێشت شیری گیراوەی بەسەردا دەکرێت بۆ ئەوەی نەرم بێت.
کرێم شانتییەکە بکرێت بەسەریدا، دواتر گیراوەی شەکرەکە دەکرێت بەسەریدا و بەو جۆرە بڕازێنرێتەوە، لەگەڵ چا یان قاوە یان شەربەت پێشکەش بکرێت.
