ناوه‌ڕۆك
ده‌رباره‌ی گێتی زینده‌وه‌ر
په‌رتوكی " گێتی زینده‌وه‌ر " یه‌كێكی دیكه له شاكار و نووسراوه‌كانی نووسه‌ر و زانای گه‌وره‌ی كورد ( عه‌لادین سه‌جادی )یه ، كتێبی گێتی زینده‌وه‌ر كتێبێكه دنیایه‌كی سه‌ربه‌خۆی گرتووه له باره‌ی گیانله‌به‌ران ، دار و دره‌خت ، كه‌ڵك و نرخیانه‌وه ، هۆش و بیریانه‌وه ، چۆنیه‌تی ژینیانه‌وه ، ئه‌و شتانه تیایانا هه‌ن ، ئه‌و به‌رهه‌مانه‌ی كه ئه‌یده‌ن ، ئه‌و كارانه كه ئه‌یكه‌ن ، ئه‌و سروشتانه كه هه‌ر هه‌ن .
ناساندن
ته‌رخون ته‌ڕه‌یه‌كه له‌ڕه‌سه‌نی كه‌ره‌وز ئه‌وانه ، بۆنی خۆشه ، به‌كاڵی ئه‌خورێ و ئه‌كرێته ناو چێشته‌وه ، ته‌رخون كه بیجوت چه‌شه له‌ده‌ما ناهێڵێت هه‌ر ده‌رمانێكی تاڵ بخۆی ئیتر به‌خۆت نازانێ ، خواردنه‌كه‌ی كه‌روێشه په‌یدا ئه‌كاو هێزی شه‌هوه‌ت كه‌م ئه‌كاته‌وه ، ته‌رخونی كێوی ژانی دان ئه‌شكێنی ، یه‌كێ دووپشك پێوه‌ی بدات ته‌رخون بجوون و بیخه‌نه سه‌ری چاكی ئه‌كاته‌وه‌و ژانی ناهێڵێت .
