ناوه‌ڕۆك
سۆدا مەترسی توشبوون بە نەخۆشییەکانی دڵ زیاد دەکات
پزیشکانی سویدی پەیمانگای کارۆلینسکا دوای ئەنجامدانی توێژینەوەیەک ڕایدەگەیەنن (ئەو کەسانەی ڕۆژانە دوو گڵاس یان زیاتر لە خواردنەوە گازیی و شیرینکراوەکان دەخۆنەوە، زیاتر لە کەسانی دیکەی مەترسی توسبوون بە نەخۆشییەکانی دڵ ـیان لەسەرە).
سوزاتا لارسن سەرپەرشتیاری توێژینەوەکە لە پەیمانگای کارۆلینسکا دەڵێت: دوای چآودێری کردنی نزیکەی ٤٢ هەزار کەس بۆ ماوەی ١٢ ساڵ، نزیکەی ٣٦٠٠ حاڵەتی توشبوون بە نەخۆشییەکانی دڵ تۆمارکراون، ئەو کەسانەی ڕۆژانە زیاتر لە ٢ گڵاس خواردنەوە گازیی و شیرینکراوەکانیان خواردوەتەوە بە ڕێژەی ٢٣٪ لە کەسانی دیکە مەترسی توسبوون بە نەخۆشییەکانی دڵـیان لەسەرە.
سوزانا ئاماژەی بەوەشدا ئامانجی ئەوان لە توێژینەوەکە ئەوەیە (خەڵکی خواردنەوەی خواردنەوە گازیی و شیرینکراوەکان کەمبکەنەوە و ئاگاداری تەندروستیان بن).
لارسن و تیمەکەی لە توێژینەوەکەیاندا، ئاماژەیان بەوەشکردووە: ساڵانە زیاتر لە ٢٣ ملیۆن کەس لە جیهاندا تووشی نەخۆشییەکانی دڵ دەبن، بەشێکی زۆری قوربانیانی ئەو نەخۆشییە، ئەو کەسانە دەگرێتەوە ئالوودەی خواردنەوەی گازیی و شیرینکراوەکانن.
