ناوه‌ڕۆك
چیرۆك و زانیاری زنجیرە
چیڕۆک: لە جیهانێکدا کە مرۆڤ و گۆبلین و جن و مامێلکە و کورتەباڵا و چەندانی تر هەنە، کەسە سەرکیشیکارەکان کاردەکەن بۆ ئەرکی سەخت و کوشتنی خراپەکاران بۆ بەدەستهێنانی پلە و شکۆمەندی. قەشەیەکی کچ کە یەکەم ڕۆژی چوونی بۆ نێو سەرکێشی کاران لەگەل تیمێک، تووشی کۆمەلێک گۆبلین دەبن و دەمرن تەنها کچەکە دەمێنێتەوە و (بکوژی گۆبلین) ڕزگاری دەکات، ئەویش سەرکێشی کارە و بەڵێنی داوە هەموو گۆبلینەکان بکوژێت. کچەکە لەگەڵی تیمێکی دروست دەکات و بەرە بەرە گەورەتر دەبێت، پێکەوە ئەرکی کوشتنی گۆبلینەکان دەگرنە ئەستۆ.
Goblin Slayer (بە کوردی: بکوژی گۆبلین) (بە یابانی: ゴブリンスレイヤー) ئەنیمیەکە بۆ سەرووی ١٧ ساڵییە بەهۆی دیمەنی نەشیاو و زۆری خوێن، ماوەی هەر ئەلقەیەک ٢٣ خولەکە و کۆی ئەلقەکانی ١٢ دانەیە. لەلایەن کۆمپانیای White Fox بەرهەم هاتووە. ئەنیمیەکەش لە جۆری (ئەکشن، سەرکێشی، خەیاڵی)ە.
هەنێک زانیاری و تێبینی ئەنیمیەکە لە light novel وەرگیراوە و هەروەها مانگاشی هەیە لێی. مانگاکە لەلایەن Kōsuke Kurose نوسراوە پێکەوە لەگەڵ light novel ەکە لە ساڵی ٢٠١٦ بڵاوبوونەوە.
ئەنیمیەکە خاوەنی ڕەیتینگی ٧.٥ لە سایتی My Anime List و چۆتە ڕیزبەندی ١٣٨ ەمین دیارترین ئەنیمی لە سایتەکە بەکۆی زیاتر لە ٣٣٤ هەزار دەنگ. لە سایتی IMDB توانی دووبارە ٧.٥ بهێنێت بە کۆی زیاتر لە ٣ هەزار خەلک. لە سایتی Crunchyroll توانی ٤.٥ بهێنێت لە پێنج.
لە ٢٠٢٠ فیلمێکی لەسەر دەرهات بەناوی Goblin Slayer: Goblin's Crown کە باس لە تیمی بکوژی گۆبلین دەکات بە ئەرکێک دەچنە شاخێکی بەفراوی بۆ ڕزگارکردنی کچێکی سەرکێشی کار لەدەستی گۆبلینەکان.
بەژداربووان
یویچیرۆ یومیهارا لە ڕۆڵی بکوژی گۆبلین
سەرچاوەکان
745 بینین
