بەم ڕێگایانە پارە خەرج بکرێت خۆشبەختی بۆ خاوەنەکەی دەهێنێت

سەرەتا

پارە (بە عەرەبی: نقود، بە ئینگلیزی: money)، هەروەکوو زۆرینە ئەو ڕستەیەیان بیستووە کە بە پارە خۆشبەختی ناکڕدرێت، بەڵام هەندێک لە توێژینەوە زانستییەکان و پسپۆڕانی بواری دەروونی ئاماژە بەوە دەکەن، ئەگەر بزانرێت چۆن پارە خەرج دەکرێت، ئەوا خۆشبەختی بۆ کەسەکە دابین دەکات.

(دانیێڵ کانیمان) زانای بواری دەروونی و خاوەنی خەڵاتی نۆبڵ ئاشکرایکردووە، کاتێک مووچەی فەرمانبەر دەگاتە زیاتر لە ٧٥ هەزار دۆلار خۆشبەختی بۆ ناهێنێت، تاکوو ڕێژەی داهات زیاد بێت هەستی خۆشبەختی زیاد ناکات.

پارە و خۆشبەختی

توێژینەوە زانستییەکان ئاماژە بەوە دەکەن پەیوەندییەکی پتەو هەیە لە نێوان پارە و خۆشبەختی، تاکو پارە بەڕێگەی تەندروست خەرج بکرێت یارمەتی زیادبوونی هەستی دڵخۆشی دەدەن، بۆ ئەو مەبەستەش ئاماژەیان بەم ڕێگایانە کردووە:

1. پارە بۆ کەسانی تر خەرجبکرێت: پارە بۆ خێزان و هاوڕێ و کاری خێرخوازی خەرج بکرێت هەستی دڵخۆشی کەسەکە زیاتر دەکات، لە بەرانبەر ئەو پارەیەی بۆ خۆت خەرجی دەکەیت. ئەو پارەیەی بۆ فێربوونی زمان و زانست و زیادبوونی شارەزای نوێ خەرج دەکرێت هەستی دڵخۆشی زیاتر دەکات، بە بەراورد بەو پارەیەی رۆژانە بۆ خۆتی خەرج دەکەیت.
2. کڕینی پێداویستییەکانی ماڵ: ئەو پارەی بۆ پێداویستییەکانی ماڵ وەک ئامێری قاوە دروستکردن یان ئامێری جلشۆردن یان هەر کەرەستەیەکی ماڵ دەکڕیت هەستی دڵخۆشی و خۆشبەختی زیاتر دەکات.
3. خەرجکردنی پارە بۆ چێژ وەرگرتنی بچووک: دیاریکردنی خەرجکردنی پارە بۆ هەندێک شتی بچووک وەک پارچەیەک کێک یان شیرینی هەستی چێژ و خۆشی بە کەسەکە دەبەخشێت، ڕۆژانە دووبارەکردنەوەی ئەو شتە بچووکانەی ئارەزووی دەکەیت هەستی دڵخۆشیت زیاتر دەکەن، بە بەراورد بە کڕینی شتی گەورە کە تەنیا جارێک هەستی خۆشبەختیت پێدەبەخشن.

سەرچاوەکان

1. ماڵپەڕی ئینسکلۆپیدیای زانیاری