ناوه‌ڕۆك
مانگی یەک
مانگی یەک یان کانوونی دووەم (بە ئینگلیزی: January، بە عەرەبی: يناير، كانون الثاني). یەکەم مانگی ڕۆژژمێری زایینی و لە ٣١ ڕۆژ پێکدێت. ئەم مانگە بە سەرەتای ساڵ دەناسرێت و ساردترین مانگی ساڵە و لە نیوەگۆی باکووری زەوی دووەم مانگی وەرزی زستانە، لە نیوەگۆی باشووری زەویش گەرمترین مانگە و دەبێتە دووەم مانگی وەرزی هاوین و وەک مانگی تەمووزی نیوەگۆی باکوور وایە.
ناوەکەی
ناوی جێنیوەری لە وشەی لاتینی Ianuariusـەوە هاتووە لەسەر ناوی جانۆس. کە خواوەندی دەستپێک و گواستنەوەیە لە ئەفسانە ڕۆمانییەکان. ڕۆژژمێری ڕۆمانی سەرەتا لە دە مانگ پێکهاتبوو. چونکە ڕۆمانییەکان پێیان وابوو زستان ماوەیەکی کەمە و مانگی نییە. لە ساڵی ٧١٣ پێش زایین ڕۆمۆڵۆس، جێنشینی پاشا نۆما بۆمبیلیۆس هەستا بە دانانی هەریەک لە مانگەکانی کانوونی دووەم و شوبات بۆ ئەوەی یەکبگرێتەوە لەگەڵ مانگەکانی ڕۆژژمێری مانگی.
بە زمانەکانی تر
کوردی: کانوونی دووەم
ئینگلیزی: January
فارسی: ژانویە
عەرەبی: يناير
فەڕەنسی: Janvier
نیشانەکانی مانگەکە
- بەردی لەدایکبووانی ئەم مانگە لەعلە. هەروەها گوڵی لەدایکبووانی ئەم مانگە گوڵی گوڵەزیۆسییە.
- نیشانەی گوڵی ژاپۆنیش بۆ مانگی کانوونی دووەم بریتییە لە گوڵی گەڵاورشنە.
- نیشانەی بورجەکانیش لە مانگەکە، بورجی گیسک و بورجی سەتڵن.
ڕۆژ و یادەکان
- یەکی کانوونی دووەم: ڕۆژی جیهانیی خێزان، سەری ساڵی نوێ
- چواری کانوونی دووەم: ڕۆژی جیهانیی ئەلفوبێی بریل (ئەلفوبێی کەسانی نابینا)
- شەشی کانوونی دووەم: ڕۆژی جیهانیی بێباوکانی جەنگ
- دەی کانوونی دووەم: جەژنی سێ شەوەی یاران
- ٢٢ـی کانوونی دووەم: ڕۆژی دامەزراندنی کۆماری مەهاباد
- ٣٠ـی کانوونی دووەم: ڕۆژی جیهانیی نەخۆشیی گولی
