ناوه‌ڕۆك
شاری بەرلین
بەرلین گەورەترین شار و پایتەختی کۆماری فیدڕاڵی ئەڵمانیایە، بە شاری ڕۆشنبیری و سیاسی و زانست ناسراوە، بەراورد بە پایتەختەکانی دیکەی وڵاتانی ئەوروپا بەرلین مێژوویەکی نوێی هەیە، ژمارەی دانیشتوانەکەی نزیکەی چوار ملیۆن و نیوە، یەک لەسەر سێی شاری بەرلین پێکهاتووە لە دارستان و باخچە و پارک و جۆگە و ڕووبار و دەریاچەکان، بەرلین خاوەنی چەندین زانکۆ و باخچەی ئاژەڵان و مۆزەخانەی بەناوبانگە لە جیهاندا و یەکێکە لە شوێنە بەناوبانگەکان لە جیهاندا کە فیلمی تێدا بەرهەم دەهێنرێت و بە سەرچاوەی ڕێکخستنی چەندین فیستیڤاڵی تەلارسازی و هونەرە هاوچەرخەکان ناسراوە، هەروەها بە بەرزی کوالێتی ژیان ناسراوە.
مێژووی بەرلین
بەرلین لە سەدەی ١٣ دامەزراوە و مێژوویەکی پڕ لە رووداوی هەبووە، پشکنینەکان لە ساڵی ٢٠٠٨ەوە ئەوەیان خستووەتەڕوو کە ئەگەری هەیە شارەکە مێژوویەکی کۆنتری هەبێت، بەرلین لەنێوان سەدەکانی ١٨ و ١٩دا بەشێوەیەکی خێرا گەشەی کردووە، لەساڵی ١٨٧١دا بناغەی سەرەکی پێکهاتنی ئیمپراتۆریەتی ئەڵمانیا بووە و لەپاش شکستەکەی ئیمراتۆریەتی ئەڵمانیا لە جەنگی جیهانی یەکەم، وە لەساڵی ١٩١٨دا بەرلین ئازادکراوە، دوای ساڵی ١٩٠٠ بەرلین بووە شارێکی گرنگی جیهان ڕۆڵی سەرکردایەتی هەبوو لە بوارەکانی زانست و مۆسیقا و زانستە مرۆییەکان و مۆزەخانە و کاروباری سەربازی، هەروەها ڕۆڵی هەبووە لە بواری بەرهەمهێنان و داراییدا، لە ئەنجامی دروستبوونی جەنگی جیهانی دووەم زۆربەی گەڕەک و شەقامەکانی بەرلین تووشی وێرانی بوون، لەساڵی ١٩٩٠ بەرلین وەک شارێکی گەورە و ناودار و پایتەخت ناسرا.
کەشوهەوای بەرلین
بەرلینی پایتەختی ئەڵمانیا کەشوهەوایەکی مامناوەندی هەیە، وەرزی زستانی ساردە و پلەی گەرما مامناوەندە و بە نزیکەیی دەگاتە سفر پلەی سەدی، وە وەرزی هاوینی گەرم و مامناوەندە و پلەی گەرما لە دەوروبەری ٢٤ پلەی سەدیدایە، هەرچەندە لە مانگی ئاب بۆ مانگی ئایار پلەی گەرما بەرز دەبێتەوە بەڵام زۆرجار لەدوای نیوەڕۆدا هەورە بروسکە و ڕەشەبا دروست دەبێت، ڕێژەی بارانبارین لە بەرلیندا زۆر نییە، ڕێژەی بارانبارینی ساڵانە بەنزیکەیی دەگاتە ٥٧٠ ملیمەترە، زستانی سارد لە مانگی کانوونی یەکەمەوە تا مانگی شوبات دەستپێدەکات و بە تێکڕا پلەی گەرما دەگاتە ئاستی بەستن.
شوێنە گەشتیارییەکانی بەرلین
- دەروازەی براندبێرگ
- دوورگەی مۆزەخانە
- دیواری یادگاری بەرلین
- مۆرەخانەی مێژوویی ئەڵمانیا
- تاوەری تەلەفزیۆنی بەرلین
- کۆشک و پارکی چارلۆتنبێرگ
- مۆزەخانەی جولەکەکانی بەرلین
- مۆزەخانەی ئەڵمانیا بۆ تەکنەلۆجیا
- گۆڕستانی جولەکەکانی ئەوروپا
