ناوه‌ڕۆك
تایبه‌تمه‌ندییه‌كان
1- جه‌ماوه‌ری په‌یام وه‌رگر له ڕاگه‌یاندنی جه‌ماوه‌ریدا، وه‌رگرێكی زۆر و زه‌به‌ند و جۆرا و جۆر و هه‌مه‌چه‌شنه‌ن له ڕووی توانست و و ئاستی زانیاری و ته‌مه‌ن و جیاوازیی ئاره‌زوو و ئاراسته و بیروبۆچوون و زه‌وقیاندا.
2- نێره‌ر ڕاسته‌وخۆ ئه‌و جاماوه‌ره نابینێ، به‌ڵكو ڕاسته‌خۆ بیروبۆچوون و ئاستی ڕؤشنبیریان ده‌زانێ.
3- ده‌نگدانه‌وه په‌یامه‌كه له ڕاگه‌یاندنی جه‌ماوه‌ریدا سست ده‌بێت به به‌راورد له‌گه‌ڵ ڕاگه‌یاندنی كه‌سێتی و كۆمه‌ڵیدا.
4- له ڕاگه‌یاندنی جه‌ماوه‌ریدا گواستنه‌وه‌ی زانیاری تاكلایه‌نه‌یه، واته له نێره‌ره‌وه بۆ وه‌رگره.
5- له ڕاگه‌یاندنی جه‌ماوه‌ریدا په‌یامی نێردرا و ئاشكرا و گشتییه، ده‌گاته ئه‌و كه‌سانه‌ی كه ده‌یانه‌وێ گوبیستی ببن، یان بیخوێننه‌وه، یاخود بیبینن.
6- له ڕاگه‌یاندنی جه‌ماوه‌ریدا په‌یامی نێردراو سه‌رپێییه و هێنده نابات كۆتایی دێت، به‌تایبه‌تی له ئێزگه و ته‌له‌فزیۆندا.
7- له ڕاگه‌یاندنی جه‌ماوه‌ریدا پرۆسه‌ی ئاماده‌كردن و گواستنه‌وه‌ی په‌یام توانایه‌كی دارایی زۆری ده‌وێت.
8- له ڕاگه‌یاندنی جه‌ماوه‌ریدا سه‌رچاوه‌كانی په‌یام دامه‌زراوه‌كانی ڕۆژنامه و وێستگه‌كانی ئیزگه و كه‌ناڵه‌كانی ته‌له‌فزیۆن.
9- ڕاگه‌یاندنی جه‌ماوه‌ری پرۆسه‌یه‌كی ڕێك و پێك و به‌رنامه داڕێژراوه و په‌یامه‌كانیشی پێشتر ئاماده‌كراون، كه له لایه‌ن ژماره‌یك پسپۆڕی ڕاگه‌یاندنه‌وه ئاماده ده‌كرێن.
10- ڕاگه‌یاندنی جه‌ماوه‌ری له گواستنه‌وه‌ی په‌یامه‌كانیدا پشت به توانستی ته‌كنیكی ده‌به‌ستێ، بۆ نمونه ڕۆژنامه و گۆڤار پێویستییان به چاپخانه و كاغه‌ز و كۆمپیوته‌ر هه‌یه، بۆ دیزاینكردنی – نه‌خشسازی – لاپه‌ڕكانی، هه‌روه‌ها ئیزگه و ته‌له‌فزیۆنیش پێویستیان به ئامێری په‌شكه‌وتوو هه‌یه بۆ په‌خشكردنی به‌نامه‌كانیان
