ناوه‌ڕۆك
توخمه‌كانی ڕاگه‌یاندن
نێره‌ر sender:
ئه‌و كه‌سه‌یه كه په‌یامه‌كه ئاماده ده‌كات و ده‌ینێرێ بۆ وه‌رگر، پێویسته بیر و بۆچوون و مه‌به‌ست و زانیاری پێبێ كه بیه‌وێ به مه‌به‌ستی هێنانه‌دی ئامانجێكی دیاریكراو بینرێت.
په‌یام message:
په‌یام پوخته‌ی ئه‌و به‌رهه‌مه‌یه كه له بیر و بۆچوون زانیاری داڕیژراوه، چ به هێمای زمانه‌وانی نوسراو، یان وتراو، یاخود به ئاماژه كه لێی تێبگه‌ن، هه‌میشه وشه‌ش شاده‌ماری گواستنه‌وه‌ی واتاكانه، مرۆڤیش ئامانجی بنچینه‌یی و سه‌ره‌كی په‌یامی ڕاگه‌یاندنه، نێره‌ر هه‌ڵده‌ستێ به گۆڕینی بیر و بۆچونه‌كانی بۆ په‌یامی ده‌نگی، یانوسراوی، یاخود ئاماژه‌یی.
ئامڕاز channel:
بریتییه له ئامڕازی گواستنه‌وه‌ی په‌یام له‌نێره‌ره‌وه بۆ وه‌رگر ، ئامڕازیش دابه‌شده‌بێت بۆ چوار خاڵ:
- ئامڕازه‌كانی ڕاگه‌یاندی كه‌سێتی وه‌كو مۆبایل و ته‌له‌فون و نامه.
- ئامرازه‌كانی ڕاگه‌یاندنی كۆمه‌ڵی وه‌كو بڵندگۆ و كوگره‌كانی ئینته‌رنێت و په‌خشنامه‌كانی قوتابخانه.
- ئامڕازه‌كانی ڕاگه‌یاندی (وه‌سیتی) وه‌كو ئێزگه ناوخۆییه‌كان و په‌خشنامه‌كان.
- ئامڕازه‌كانی ڕاگه‌یاندنی جه‌ماوه‌ری وه‌كو ڕۆژنامه و گۆڤار و ڕۆژنامه‌ی په‌خشنامه‌كان.
وه‌رگرReceiver:
لایه‌نی وه‌رگر په‌یامه‌كه‌یه و توانای وه‌رگێڕان و تێگه‌یشتنی ئه‌و هێما زمانه‌وانیانه‌ی هه‌یه كه بیرۆكه‌كانی پێداڕێژراوه، بۆ بیر و بۆچون و زانیاری، یان راو بۆچون، یاخود ڕه‌فتار.
ده‌نگدانه‌وه Feed back:
پرۆسه‌ی ده‌نگدانه‌وه ڕۆلێكی بنچینه‌یی له زانینی وه‌ڵامدانه‌وه‌ی وه‌رگر بۆ په‌یامی نێره‌ر ده‌بینێ و چوار جۆره ده‌نگدانه‌وه‌ش هه‌یه:
- ده‌نگدانه‌وه‌ی نوسراو ده‌نگدانه‌وه‌ی بیسراو:
ده‌نگدانه‌وه‌ی نوسراو له ڕێگه‌ی نامه‌وه ده‌بێت، كه له‌سه‌ر ئامڕازێكی نووسراو نوسرابێت، به‌ڵام ده‌نگدانه‌وه‌ی بیستراو به به‌كارهێنانی هێمای بیستراوه ده‌بێت.
- ده‌نگدانه‌وه‌ی كپ و ده‌نگدانه‌وه‌ی دیار:
ده‌نگدانه‌وه‌ی كپ ئه‌وه‌یه كه وه‌رگر هه‌سپێده‌كات، به‌ڵام هیچ ده‌ڕبڕینێكی له‌باره‌یه‌وه نیه، كه‌چی ده‌نگدانه‌وه‌ی دیار ئه‌وه‌یه كه وه‌رگر وه‌ڵامی نێره‌ر ده‌داته‌وه.
- ده‌نگدانه‌وه‌ی هه‌نوكه‌ی و ده‌نگدانه‌وه‌ی دواخراو:
له‌وانه‌یه ده‌نگدانه‌وه هه‌نوكه‌یی و ده‌موده‌ست بێت، واته وه‌رگر ڕاسته‌وخۆ دوای وه‌رگرتنی په‌یامه‌كه‌ی نێره‌ر ده‌نگدانه‌وه‌كه‌ی ئاڕاسته ده‌كاته‌وه، كه چی ده‌نگدانه‌وه‌ی دواخراو ئه‌وه‌یه كه له‌به‌ر هه‌ر هۆیه‌كی بێ ده‌نگدانوه‌كه دوا ده‌خات.
- ده‌نگدانه‌وه‌ی باش و ده‌نگدانه‌وه‌ی خراپ:
ئه‌و كاته ده‌نگدانه‌وه به‌رامبه‌ر په‌یامی نێره‌ر باش ده‌بێت كه وه‌رگر به‌سینگێكی فراوانه په‌یامه‌كه وه‌ربگرێت، كه چی ئه‌گه‌ر به سینگێكی فراوانه وه‌رینه‌گرت، ئه‌و كاته ده‌نگدانه‌وه‌كه خراپ ده‌بێت.
