ناوه‌ڕۆك
فەلسەفەی ئایین چییە؟
لێرەدا دەبێت فەلسەفەی ئایین و لاهووت لەیەک جیابکەینەوە، ئەوەی دووەم لە فەلسەفەی ئەم ئایینە دیاری کراوە یان ئەویان دەکۆڵێتەوە (بۆ نموونە قسەناسی کرسیتیان و قسەناسی ئیسلامی). هەرچی فەلسەفەی ئایینە بایەخ بە شیکردنەوەی ئەو چەمکە گشتیانە دەدات کە ئایینەکان بەکاریان دەهێنن. ئەگەر (لاهووت) هەوڵی ئەوە بدات بەرگری لە باوەڕی ئەم ئایینە یان ئەویان بکات بە بەڵگە و لۆژیک ئەوا فەلسەفەی ئایین ئەم مەبەستە دیاریکراوەی نییە، بەڵکو لە دیاردە گشتییەکانی ئایینداری و ئەم چەمکە گشتییانە دەکۆڵێتەوە کە زانستەکانی ئایینە تایبەتەکان بەکاریان دەهێنن.
سەرەتای فەلسەفەی ئایین
فەلسەفەی ئایین لە ڕابردوودا بەشێکی (میتافیزیک) بووە، لەپاشدا لێی جیابۆتەوە، لە ساڵانی دواییدا سێ ئاڕاستەی مێژوویی کە مەبەستەکەی لێکۆلینەوەی بنچینەی ئایینەکان و پەرەسەندنی بیرۆکەی ئایینیە. ئاراستەی دەروونی زانیارییانە کە مەبەستەکەی باسکردنی ئەو بارە دەروونیانەیە کە ژیانی ئایینی لە سەریاندا دادەمەزرێت، ئاراستەی فەلسەفی کە ئەرکەکەی داواکردنی ئەو بەڵگانە بووە کە بیردۆز و باوەڕە ئایینییەکان دەوروژێنن.
