ناوه‌ڕۆك
خەوتن لە ڕۆژدا مەترسیدارە
توێژینە‌وە‌یە‌كی نوێ دەریخستوە كە خەوتن بە ڕۆژ بۆ زیاتر لە كاتژمێرێك بە شێوە‌یە‌كی بە‌رچاو ئە‌گە‌ری توشبوون بە نە خۆشی شە‌كرە زیاد دە‌كات و چە‌ند ڕێنمایە‌كییە‌كیان بۆ سە‌رخە‌و شكاندنی تە‌ندروست بڵاوكردە‌وە.
بە‌پێی توێژینە‌وە‌كە، كە لە زانكۆی تۆكیۆ ئە‌نجامدرا، ئە‌و كە‌سانە‌ی بە ڕۆژ بۆ ماوە‌ی زیاد لە كاتژمێرێك دە‌خە‌ون، ئە‌گە‌ری توشبوونیان بە جۆری دووە‌می شە‌كرە بە ڕێژە‌ی ٤٥٪ زیاترە بە بە‌راوردی ئە‌و كە‌سانە‌ی بە ڕۆژ ناخە‌ون یان كە‌متر لە ٤٠ خولە‌ك بە خەوتن بە‌سە‌ردە‌بە‌ن.
توێژینە‌وە‌كە پشتی بە داتای چە‌ندین توێژینە‌وە‌ی پێشوو لە‌و بوارە‌دا بە‌ست و زانیاری نزیكە‌ی ٣٠٠ ھە‌زار كە‌سیان بە‌كارھێنا.
بە‌پێی ئە‌نجامە‌كانی توێژینە‌وە‌ی دیكە، سە‌رخە‌و شكاندن بۆ ماوە‌ی كە‌متر لە ٤٠ خولە‌ك سوودی تە‌ندروستی بە تایبە‌تی بۆ مێشك و دڵ ھە‌یە زۆرێك لە پسپۆران ڕێنمای ئە‌وە دە‌دە‌ن ھە‌وڵ بدە‌ین ڕۆژانە سە‌رخە‌وێك بشكێنین.
توێژینە‌وە‌یە‌كی دیكە ساڵی ٢٠١٤ لە زانكۆی كامبریج، لە‌م بوارە‌دا دەریخستوە كە خە‌وتنی درێژخایە‌ن بە ڕۆژ ئە‌گە‌ری توشبوون بە نەخۆشی سییە‌كان زیاد دە‌كات.
