ناوه‌ڕۆك
ئەو نەخۆشیانەی لە ئاژەڵە ماڵییە‌كانە‌وە توشیاندە‌بین
ھە‌موو كەسێك ئە‌گە‌ری ھە‌یە لە‌ئاژە‌ڵە ماڵییە‌كانە‌وە نە‌خۆش بكە‌وێ، بە‌ڵام منداڵان، ئە‌وانە‌ی نە‌خۆشیی درێژخایە‌نیان ھە‌یە و خانمانی دووگیان مە‌ترسییەكی زیاتریان لە‌سە‌رە لە‌و ئاژە‌ڵانە‌ی ڤایرۆس، بە‌كتریا و كە‌ڕووە‌كانیان بۆ بگوێزرێتە‌وە...
ئە‌مانە ھە‌ندێك نموونە‌ن:
١- پشیلە و سە‌گ
بەكتریای «كۆمپالیۆباكتە‌ر» بۆ مرۆڤ دە‌گوێزێتە‌وە كە دە‌بێتە ھۆی سكچون و ڕشانە‌وە. پشیلە بە‌وە‌ش ناسراوە بەكتریای سالمۆنێلا دە‌گوێزێتە‌وە كە دە‌بێتە ھۆی گرانە‌تا و ھە‌وكردنی جۆراوجۆر.
٢- خشۆك و وشكاوە‌كیە‌كان
ئە‌مانیش بەكتریای «كۆمپالیۆباكتە‌ر» دە‌گە‌وێزنە‌وە. توێژینە‌وە‌یە‌ك سە‌لماندویە‌تی ١١٪ی حاڵە‌تە‌كانی گواستنە‌وە‌ی ئەو بە‌كتریایە لە كە‌سانی خوار تە‌مە‌نی ٢١ ساڵدا لە بۆق و كیسە‌ڵ و ماری ماڵییە‌وە‌ن.
٣- توتی و كۆتر
كۆتر و توتیە‌كان نە‌خۆشیە‌گە‌لێك دە‌گوازنە‌وە كە لە منداڵ و پیرە‌كاندا مە‌ترسیدارن. ئەو بە‌كتریایانە‌ی لە‌لایە‌ن توتییە‌وە دە‌گوازرنە‌وە بە كلامیدیا ناسراون. ھە‌ندێكجار ڕیقنە‌ی وشك بووی ئەو باڵندانە بە‌ھۆی باوە ھە‌ڵدە‌گیرێن و بە‌كتریاكە لە ڕێگە‌ی ھە‌وا بۆ خەڵكی دە‌‌گوازرێتە‌وە.
٤- مێشولە‌ی حە‌شاردراو
ھە‌ندێك جار كە‌رە‌ستە‌ی لە‌نگە‌و تە‌نانە‌ت نوێش كە لە ناوچە‌كانی بە‌ربڵاوی تایی دانكە‌وە باردە‌كرێن، مێشولە‌ی ھە‌ڵگری ئەو نە‌خۆشییە‌یان تیادایە و كاتێك لە وڵاتی میوان بە‌رە‌ڵا دە‌بن، نە‌خۆشییە‌كە دە‌گوازنە‌وە بۆ خەڵكی.
٥- سە‌گ و ڕێوی
دە‌كرێ لە ڕێگە‌ی گە‌ستنە‌وە ڤایرۆسی ھاری بۆ مرۆڤ بگوێزنە‌وە.
دە‌كرێ ژیان لە‌گە‌ڵ ئاژە‌ڵ سودی ھە‌بێ؟
توێژینە‌وە ھە‌ن دە‌ریانخستوە ئەو منداڵانە‌ی سە‌گ و پشیلە لە نزیكیان دە‌ژین، كە‌متر تووشی ھە‌ستە‌وە‌ری و ڕە‌بۆبدە‌بن.
چۆن مە‌ترسی ئاژە‌ڵی كێوی كە‌مكە‌ینە‌وە؟
دە‌بێ ماوە ماوە پیشانی پزیشكی ڤێتە‌رنە‌ری بدرێن و كوتانی پێویستیان بۆ ئە‌نجامبدرێ، ھە‌موو جارێكیش دوای دە‌ست دان لە ئاژە‌ڵە‌كان، بە باشی دە‌ستە‌كانمان بشۆین.
